فوجی فاؤنڈیشن سالانہ تقریبِ تقسیمِ انعامات

کھول یوں مٹھی کہ اک جگنو نہ نکلے ہاتھ سے​

آنکھ کو ایسے جھپک لمحہ کوئی اوجھل نہ ہو​

پہلی سیڑھی پر قدم رکھ ،آخری سیڑھی پر آنکھ​

  منزلوں کی جستجو میں رائیگاں کوئی پل نہ ہو

مؤرخہ 26 نومبر 2019ء کو  اپنے ہونہار طلبہ طالبات اور کارکنوں کی حوصلہ افزائی اور ان کی بہترین کارکردگی کو سراہنے کے لیے فوجی فاؤنڈیشن سالانہ تقریبِ انعامات کا انعقاد کیا گیا جس کے مہمانِ خصوصی مینیجنگ ڈائریکٹر فوجہ فاؤنڈیشن جناب لیفٹیننٹ جنرل  سید طارق ندیم گیلانی (ریٹائرڈ) تھے۔ مہمانِ خصوصی نے سال 2018-19ء میں منعقدہ میٹرک اور انٹرمیڈیٹ سطح کے امتحانات میں  فیڈرل اور دیگر صوبائی بورڈز میں اعلیٰ پوزیشن حاصل کرنےوالے فوجی فاؤنڈیشن کے طلبہ و طالبات میں انعامات تقسیم کیے۔ اس کے علاوہ رواں سال میں بہترین کارکردگی دکھانے والے  تعلیمی اداروں، افسران اور دیگر عملے کو بھی انعامات اور تعریفی اسناد سے نوازا گیا۔  ایسے مواقع نہ صرف انعامات حاصل کرنے والوں کی حوصلہ افزائی کرتے ہیں بلکہ دیگر افراد کے لیے بھی مہمیزکا کام کرتے ہیں اور یوں ہر ایک نئے جذبے اور ولولے کے ساتھ اپنا کام تندہی سے انجام دینے کی کوشش کرتا ہے۔

اس پروگرام میں بچوں کے والدین نے بھی بڑی تعداد میں شرکت کی اور تقریب کے مقصد و انعقاد کو سراہا۔ فوجی فاؤنڈیشن ایجوکیشن سسٹم کے طلبہ و  طالبات نے رنگا رنگ پروگرام پیش کر کے مہمانوں کے دل موہ لیے۔ اس تقریب کی چند تصویری جھلکیاں پیشِ خدمت ہیں۔